jaganchitra

2009-09-04T19:41:00.012+05:30

தருணம் : இதுவரை கடந்து வந்த நாட்களைப் பற்றி..

" நிசப்தமில்லா இரவுகள்
நித்திரையின்றி..
எங்கே தொலைத்தேன் .?
நித்திரையையும்,
நிம்மதியையும்.....!

தொலைத்த இடம்
தெரியாவிட்டாலும்,
தேடல் தொடங்கியது..!

சந்தோஷமும் ,
நிம்மதியும் ,
புறவுலகில் என்றெண்ணி....
நிற்காமல் ஓடி ,
இடம் ஒன்றை பிடித்தேன் .
வழியில் வந்த
சந்தோஷத்தையும்
வேதனையையும்
பொருட்படுத்தாமல்...!

இங்கே கற்றுத்தரப்படுவது ,
இடம் ஒன்றை பிடிக்கும்
வழியை மட்டுமே....!

வழியின் நிகழ்வுகளை
பொறுப்பேற்று ,
சந்தோஷப்படவோ....
வலியை நெஞ்சில்
தாங்கவோ
கற்றுத்தரப் படுவம் இல்லை...
உரிமை
வழங்கப்படுவதும் இல்லை.....

இதனால்தான் ஏனோ
இடம் பிடித்த...
அனைவர் நெஞ்சிலும்
விஞ்சியிருப்பது..
வெற்றிடமும்....
ஏமாற்றமுமே.......! "

2009-08-28T19:03:00.004+05:30

தருணம் : என்னோடு பணியாற்றும் சக நண்பரின் திருமண நாள் பற்றி ..

கவிதை நடை : கவிதையின் பாதி வரை நண்பர் தன் மனைவிக்கு எழுதியதாகவும் , மீதி பாதி நான் அவர்களுக்கு எழுதியதாகவும்.

குயில் கூவும் அதிகாலைப் பொழுது ,
பனித் துளிகள் புற்களோடு
காதல் வயப்பட்ட தருணங்கள்.

அம்மி மிதித்து ,
அருந்ததி பார்த்து ,
மாங்கல்யம் சூடி ,
மணவாழ்க்கை ஆரம்பமானது
நம் இருவருக்கும்.

பசுமையான நினைவுகள்
மனமெங்கும் ..
ஆனால் காலம் சில
வருடங்களை விழுங்கியிருந்தது
நமக்கு தெரியாமலே....!

கடலில் மூழ்கியவன்
முத்தெடுப்பான்..
உயிரெனும் முத்தெடுத்தோம்
மணவாழ்க்கையில் மூழ்கி.

மூங்கிலாய் நான் ,
காற்றாய் நீ ,
அதில் ஊற்றெடுக்கும் ராகங்களாய்
நம் குழந்தைகள்...

காலங்கள் பல கடந்தாலும்
நினைத்துப் பார்க்கும்
தருணங்கள் எல்லாம் ,
பெற்ற வலிகள்
பாடங்களாய் மாறி ,
சந்தோஷங்கள் தலைத்தோங்க
நாம் செய்ய வேண்டியதெல்லாம்
மனம் விட்டு பேச சில
நிமிடங்கள் மட்டுமே ....!

உணர்வு பரிமாற்றத்தில்
மட்டுமல்ல...
உறவுப் பரிமாற்றத்திலும்
உங்களுக்கு நிகர் நீங்களே என்று
உலகம் உங்களை
போற்றும் தருணங்களுக்காக
வாழ வேண்டுமென்று
வாழ்த்துவதோடு,

தவம் செய்வார்கள்
உங்களை பெற்றோராய்ப் பெற.....
தவம் செய்தீர்கள்
அவர்களை குழந்தைகளாய்ப் பெற..!

உணர்வொத்த தம்பதிகளாய்,
வாழையடி வாழையென
வசந்தங்கள்
தழைத்தோங்க, இறைவனை
வேண்டி வாழ்த்தி ,
வணங்குகிறேன்.

2009-07-28T19:02:00.004+05:30

தருணம் : பெங்களூர் சாலைகளின் ஓரம் என் வயதொத்த குழிவெட்டும் நண்பர்களை கடக்கும் தருணங்கள்.

பசுமை நகரத்தின் தெற்குப்பகுதி
விபத்துகளின்றி விலகிச்செல்ல
அமைக்கப்பட்ட வெளிப்புற
வளைவுச்சாலைகள் (outter ring road)......

சாலையின் ஒரு ஓரத்தில்
என் வயதொத்த இளைஞர்கள்
கையில்
மம்மட்டியும் கடப்பாரையுமாக....!

கடந்து செல்லும் தருணங்கள்
ஒவ்வொன்றிலும்
கணத்துப் போகிறது மனம்...!

உலக நியதியில்
வாய்ப்பு கிடைத்த
அனைவரும்
யாரோ ஒருவரிடமிருந்து
தட்டிப் பறித்தவையே....!

தட்டிப் பறித்த வாய்ப்பை
எப்படி திருப்பித்
தரப் போகிறோம்....?

வயதொத்த காலத்தில்
வாய்ப்புகளை திருப்பித்தர
முடியாவிட்டாலும்.....
அவர்களின் சந்ததிகளுக்கு
ஒதுங்க நிழலும்
உறங்க சிறிது இடமும்
கிடைக்க உதவிடுவோம்
மனதார........!

மிருகங்களைப் போல நடத்தி
மிருகங்களாகவே மாறிவிட்டோம்...!

இது
மட்டுமா...?

நாகரீகம் தெரியாதவர்கள்....
அசுத்தமானவர்கள் என்று
அபத்தங்களை கூறுவதோடு
நாகரீகத்தையும்
நாடு கடத்துகிறோம்...

தலைமுறைகளை கடத்தாமால்
ஏற்றத்தாழ்வுகளை ஏறக்கட்டி
கிடைத்ததை பகிர்ந்து
வாழும் நம் பண்பாட்டை
கடைபிடிக்க
தயாராக உள்ளோமா.......?

2009-04-02T20:56:00.001+05:30

கவிதை எழுதுவதற்கு களம் அமைத்து கொடுத்த கல்லூரி பருவத்தில் நான் கிறுக்கிய கிறுக்கள்கள் கவிதைகளாகவும் கதைகளாகவும் உங்கள் ரசனைக்கு இதோ............................

2009-04-02T20:16:00.017+05:30

காலம் : தேசிய தொழில்நுட்பக் கழகத்தில் வேதனைகள் தொண்டைக்குழி வரையிலும் இன்பங்கள் முகம் முழுவதும் இருந்த காலம்

நிகழ்வு : NITTFEST - 2007 பெற்று தந்தது : முதல் பரிசு

தலைப்பு :

கொடுக்கக்ப்பட்டுள்ள இடத்தை அடித்தளமாக வைத்து கவிதை வரைக.....

காஷ்மீர் பகுதி..............
லடாக் கரகோணம் மலைத்தொடர்களின் மத்தியில்
மிக அழகாய் ஒரு உலகம்.
புல்மேயும் மலைசெம்மறியாட்டின் வனப்பும்
குங்குமப்பூவின் செழிப்பும்
மெருகேறிக்கொண்டேயிருக்கும் வடிவும்
சில்லெனப்பாயும் இந்தஸ் நதியும்
சொல்லாமல் சொல்லிற்று இடம் லேக் என்று.

ஆனால் இன்று.....

லேக் ஏரியில் நீருக்குப் பதில் உறைந்த சிவப்பு
குழந்தைக்குப் தால் இசைக்குப் பதில் துப்பாக்கித் தாலாட்டு
நீர்வீழ்ச்சியின் ஓவென அழுகையோடு மக்களின் கண்ணீரும்

எல்லாம் தலைகீழாய்...........

ஆபத்து என்ன அழகைப் பெற்றதன் இலவச இணைப்போ..?

இறையாண்மையை இருப்பிடமாக
கொண்டு இந்தியாவின்
வடக்குப் பகுதியில்
நின்றிருந்த இமயமலையின்
பனிப் பொலிவைப் போல்
இங்கும் பனிப்பொலிவுகள்...!

விண்ணை முட்டும்
மலைத்தொடரில்
முட்டிப்பார்த்த
மரங்கள் பல..!

பச்சை பட்டாடையை
தன்மேல் அணிந்து
உள்ளத்தை உறுக்கிக்
கொண்டிருந்தாள்
பூமி தேவதை..!

நானும் சளைத்தவலில்லை
எனும் போட்டியோடு
மலைகளை குடைந்தும்
ஊடுறுவியும் சென்று
கொண்டிருந்தாள்
கடல் தேவதை...!

இயற்கை அளித்த
கொடையை
கண்களோடு
கைப்பற்றிக்கொள்ள
வந்து
குவிந்துகொண்டிருந்தார்கள்..

கைப்பற்ற நினைத்தவர்களின்
மனம் ஏமாந்துபோனதாலோ
என்னவோ
சொந்தமாக்க முயற்சித்தனர்...!

முயற்சியின் முதல்படியாய்
முடுக்கிவிடப்பட்டது
தீவிரவாதமும் வன்முறையும்
சுதந்திரம் எனும்
போர்வை கொண்டு..

அழகை அடையநினைத்தவர்களின்
ஆட்டிப் படைத்தலால்
சிதறியும் சின்னாபின்னமாய்
ஆக்கப்பட்டனர்.....!

சிதறுண்டவர்களை சிறை
பிடித்தும் மீறுபவர்களை
துப்பாக்கியால்
துளைத்துக் கொண்டிருந்தனர்.

பச்சை பட்டாடை
உடுத்தியவள் இன்று
உதிரங்களை
உடையாக்கி கொண்டுள்ளள்...

முழுவதும் அடைய நினைத்து
நித்தம் இசைக்கப்படுகிறது
பீரங்கி முழக்கம்...

உறைந்த உதிரங்கள்
பெறுகி ஏரியையும்
தன்னோடு இணைத்துக்
கொண்டிருந்தது...!

விழிகள் மூடப்படுகிறது
தாலாட்டினால் அல்ல...
நித்தமும் முழங்கும்
துப்பாக்கிகளால்...!

விடிவை எட்டிப்பார்த்து
வியர்வையையும்
கண்ணீரோடு சேர்த்து
கலக்க விட்டுக்
கொண்டிருந்தனர்
நீர்வீழ்ச்சிகளில்.....!

2009-02-18T19:02:00.005+05:30

காலம் : தேசிய தொழில்நுட்பக் கழகத்தில் வேதனைகள் தொண்டைக்குழி வரையிலும் இன்பங்கள் முகம் முழுவதும் இருந்த காலம்

நிகழ்வு : NITTFEST - 2007 பெற்று தந்தது : முதல் பரிசு

தலைப்பு :

கொடுக்கப்பட்டுள்ள சூழ்நிலைப்பற்றிய உங்கள் கவிதை

குருதி வெள்ளம் ஆறாயோடும் கரையோரம்
மனித உயிர்கள் உடலைபிரியும் வலிபொறுக்காமல்
கதறும் ஓலம் எங்கும் எதிரொலித்தது

அந்த போர்களத்தில் அவனும் மற்றவர்களை
போல் உயிரை பணயம்வைத்து போராடி
பிற உயிர்களை பறித்துக் கொண்டிருநதான்

அவனிருப்பது இந்தியாவின் வடமூலை யென்றாலும்
அவன் மனம் மட்டும் தென்மூலையின்
ஓர்குடிசையில் பிரசவ வலிபொறாமல் துடிக்கும்
தன் மனைவியை நினைத்துக் கொண்டிருந்தது

திடீரென்று எங்கிருந்தோ பாய்ந்து வந்த
குண்டு அவன் இதயத்தை பதம்பார்த்தது.
மனத்திரையில் அவன்மனைவியின் முகம் மெல்லமங்கியது
சிறிது நேரத்தில் குடிசையிலிருந்து வெளியே
வந்த ஆயா, "ஆண் குழந்தை " என்றாள்

" பிறப்பு முதல் இறப்பு
வரை தாங்கி சுமக்கும்
தாய்திருநாட்டை தட்டிப்
பறிக்க வந்தவனின்
தலை எடுத்துக் கொண்டிருந்தனர்
தங்கள் தலையை அடகுவைத்து...!

உருண்டோடிய தலைகளில்
உதிர்க்கப்பட்ட உதிரங்கள்
வெள்ளமென பெருகி
ஓடிக்கொண்டிருந்தது..!

ஊடுருவலுக்கு உகந்ததாய்
அமைந்த வடமூலையில்
வாட்டி வதைத்துக்
கொண்டிருந்தார்கள்
உள்ளே நுழைந்தவர்களை..!

தாய்மண்ணிற்கு தன்னை
கொடுக்க முனைந்தாலும்
மாங்கல்யம் கொண்டு
மணமுடித்த தன்னவளை
எண்ணிப்பார்த்து
உலகைவிட்டு அனுப்பிக்
கொண்டிருந்தான் ஒருவன்......!

விரட்டிப் பிடித்து
உயிரை எடுத்து
தாய்மண்ணின் மானம்
காத்தாலும் நினைவுகள்
ஏனோ ஈருயிராய்
துடித்துக் கொண்டிருக்கும்
அவளையே தொடர்ந்தது...!

விலகிப்போன நினைவுகளில்
கொஞ்சம் விலகியும்
இருந்தான்...!

நெஞ்சை துளைக்கும்
குண்டொன்று
அவனுள் பாய்ந்தது
விலகியிருந்த நேரத்தில்...!

எண்ணங்களில் அவளின்
நினைவுகள் இருந்தும்
தன்நிலை தடுமாறி
சாய்ந்து கொண்டிருந்தான்..!

மெல்ல மெல்ல
நினைவுகள் நீங்கி
பிம்பங்கள் பின்னோக்கி
பயணித்தது..!

நினைவுகளில் இருந்தவள்
வலியோடு வழியொன்றை
கண்டாள்...!
வழிகளோடு வந்தவளை
உலகுக்கு கூறினாள்
மருத்துவதாய்
ஆண்மகனென்று...! "

2009-01-06T20:52:00.003+05:30

காலம் : தேசிய தொழில்நுட்பக் கழகத்தில் வேதனைகள் தொண்டைக்குழி வரையிலும் இன்பங்கள் முகம் முழுவதும் இருந்த காலம்

நிகழ்வு : NITTFEST - 2007 பெற்று தந்தது : முதல் பரிசு

தலைப்பு : முள் இழந்த கடிகாரம்

" ஆண்டுகள் இருநூறு
அடிமைகளாய்........
சுற்றியிருந்த சுழற்சியில்
முளைத்திருந்தன முட்கள்
இங்கொன்றும்
அங்கொன்றுமாய்....!
ஒன்று சேர்த்து
ஒற்றுமையாய் ஓட
விரட்டினோம்
அந்நியர்களை......!

உலகுக்கும் காட்டினோம்
மக்களாட்சி
மகத்துவத்தையும்,
உன்ன்னதமானவர்களையும்.....!

ஊளையிட்டவர்களும்,உச்சு
கொட்டியவர்களும்
உற்று நோக்கிகொண்டிருந்தனர்

நிமிடங்கள் நீந்திக்
கொண்டிருந்தன
முட்களின் உதவியோடு....!

கரைந்து கொண்டிருந்த
காலச்சுவட்டில் உருவாகிக்
கொண்டிருந்தன விக்ஷசெடிகள்
முட்களோடு.......
எல்லா இடங்களிலும்
நீக்கமற........

உரமிட்டும் உணவிட்டும்
வளர்த்துக்
கொண்டுருந்தனர்.....

வளர்ந்துவிட்ட விக்ஷசெடிகளின்
இன்றைய
நிலை தான் என்ன...........?

தாய்ப்பாலையும்,
தமிழ்ப்பாலையும்
தண்ணீர் ஆக்குகிறார்கள்
நாகரீகம் என்று சொல்லி.....!

தாகத்திற்கு
தண்ணீரில்லாமலிருக்கா
குளிக்கிறார்கள்
குடிநீரில்........!

தாகம் தணித்து
தங்குமிடம் தேடினால்
கிடைப்பதென்னவோ
தண்டவாளங்களும்
புல்தரைகள் மட்டுமே.........!

பட்டம் வாங்குகிறா(ன்)ர்கள்
பணம் படைத்தவ(ன்)ர்கள்
இல்லாதவ(ன்)ர்கள்
பட்டம் விடுகிறா(ன்)ர்கள்

தெய்வம் என்று
பெண்ணை
புகழ்வதோடு,
விலையும் பேசுகிறா(ன்)ர்கள்

வியர்வக்கு விலை
கொடுத்தவர்களோடு
மன்றாடிப்ப் பார்த்த
மனசாட்சியும்
மண்ணூக்குள்
மறைய துவங்கியது...!

கந்துவட்டியும்,மருந்து
கடனும் மலைகளாகி
மரண வாசலில்
தள்ளப் படுகிறார்கள்..

சுதந்திரம் எனும்
போர்வையில்
அடிமையாக்குகிறார்கள்...
ரத்தத்தை சுண்டி
இழுக்கும்
அட்டையாய்
அரியணைகளை
அல(சி)ங்கப்படுத்துகிறார்கள்....!

பசுமை புரட்சி
என்று கூறி
பூக்களை
புழுதியில் புதைக்கின்றனர்...!

நேர்மையும் நியாமும்
சொற்களில்
மட்டும் உருவாகி
காற்றோடு கலந்து
தெரியாமல் போனது
கண்களுக்கு..!

பிறப்பு முதல் இறப்பு
வரை நொடிகள்
ஒவ்வொன்றிலும்
விக்ஷமிகளின்
விளையாட்டால்
வீணடிக்கப்படுகின்றனர்
உண்மையாணவர்கள்...!

இத்தோடு நில்லாமல்
ஒய்யாரமாய்
ஓடிக்கொண்டிருந்த
முட்களை வளைத்தும்
இடித்தும் நொடித்தும்
தூக்கி எறியவும் செய்தனர்...!

முழுவதும் முட்களை
இழந்த நிலையில்
நொடிக்கு
ஒன்றென்று
அடையாளங்களை மட்டும்
பெற்று ஓசை இல்லாமல்
மெளனமாய் உள்ளது
முள் இழந்த கடிகாரம்.... ! "

2008-12-16T19:42:00.005+05:30

காலம் : தேசிய தொழில்நுட்பக் கழகத்தில் வேதனைகள் தொண்டைக்குழி வரையிலும் இன்பங்கள் முகம் முழுவதும் இருந்த காலம்

நிகழ்வு : NITTFEST - 2007 பெற்று தந்தது : முதல் பரிசு

தலைப்பு : அருகிலிருக்கும் படத்திற்கான கவிதை

உதிரத்தை உயிராக்கி
நிமிடங்களுக்கு
வேதனைகளை கொடுத்து
இன்பத்தை பெற
காத்திருந்த நாட்கள் முன்னூறு (300).........!

அவள் உயிரைப்
பறிக்கும்
வலியோடு வந்து
விழுந்தேன் மடியில்..........!

என் மூச்சுக்
காற்றின்
வெப்பத்திலும்
தழுவலிலும் எத்தனை
முறை தன்னை
மறந்திருப்பாள்........!

உயிராக்கிய உதிரத்தை
உணவாக
தந்தும் மகிழ்ந்தாள்........!

உச்சி வகுடெடுத்து
உலகிலேயே
அழகென்று
வியந்திருந்தாள்........!

உருண்டோடிப் போன
உலக
வாழ்க்கையில்
உருமாறியும் வழி
மாறியும் இருந்தேன்........!

வழிமாறிப் போன
வாழ்க்கையில்
நான் கண்ட
இன்பங்கள்
பெண்மையினால்............!

உணர்ச்சிகளின்
உச்ச கட்டத்தில்
எனக்கு
இணங்க வைத்தேன்
பணத்தினாலோ
வற்புறுத்தலிலோ.........!

உயிர் கொடுத்தவள்
அன்பாகவும்
அதட்டியும்
எத்தனை முறை
கூறியிருப்பாள்...........!

உணர்ச்சிகளால்
உண்மை
விளங்கவும் இல்லை
விளங்குவதற்கு
முயற்சிக்கவும் இல்லை.......!

காமதேவனின் காலம்
கடந்து
காலதேவனின்
கட்டுபாட்டில் இருந்த
நாட்களில் உணர்ந்தேன்..........!

வற்புறுத்தலில்
வார்த்தைகளை
வீசியவர்களின்
கனவு நனவானது..........!

உயிரை மெதுவாய்
கொல்லும்
நேய் என்னுள்
குடி கொண்டிருந்தது..........!

உறவும்
சமுதாயமும்
பிறக்கணித்தாலும்
உண்மையாய்
உடனிருந்தாள்
உயிர்கொடுத்தவள்........!

மரணத்தின்
வருகைக்கான
நாட்களை
எண்ணி நாட்களை
கடத்தி வருகிறேன்........!

இமை மூடும் சில
தருணங்களில்
இமைகளோடு வந்து
போகும்
பிம்பம்தான் இது...........!

உயிர்தந்து
உருவாக்கியவன்
உயிரற்று போகும்
கணங்களை எண்ணி
கண்ணீரோடு தாய்.......!

நான் செய்த
பாவங்களின் மொத்த
உருவமும் என்னுயிர்
எடுக்க தயாராய்
ஒருவனுமாய் இருப்பதை
காண்கிறேன்..........!

2008-12-09T18:24:00.010+05:30

காலம் : தேசிய தொழில்நுட்பக் கழகத்தில் விளையாடிய காலம்

நிகழ்வு : NITTFEST - 2006 பெற்று தந்தது : இரண்டாவது பரிசு

தலைப்பு : சிறகு தொலைத்த தேவதை

அது நிலாக்கள் சுற்றி வரும்
அழகிய கிரகம்.... காற்றிலே சிறகடித்துக் கொண்டிருக்கும்
தேவதைகளின் நகரம்..........

உறக்கமென்பது அங்கே கனவு
காணமட்டும்தான்........ அங்கே கண்ணீர் என்பது காலத்தால் களவாடப்பட்ட
ஒன்று.........

கொஞ்சம் பொறுங்கள்......... ஏதோ
விசும்பல் கேட்கிறது..யாரது? சிதிலமடைந்த சிலந்தி வலையின்
பின்னே..... அழுது சிவந்த கண்களோடு, அழகான ஒரு தேவதை.....

கண்களில் மட்டும் அல்ல, கை
முழுவதும் பெருகிக் கொண்டிருக்கிறது இரத்தம்...........

அவள் சிறகு தொலைத்த கதை
தெரியுமா உங்களுக்கு........? தெரிந்தால் கொஞ்சம் சொல்லுங்களேன்........!

மின்மினி பூச்சியாய் விட்டுவிட்டு
கண்ணடிக்கிறது அந்த
வீட்டு குத்துவிளக்கு..............!

இதற்கு துணையாக
ஒய்யாரமாய் ஓய்வெடுக்கிறது
நான்கைந்து தாம்பூழத்தட்டு.......!

அதிலொன்றில் ஓடிப்பிடித்து
விளையாடும் பூக்கள் சில.......!

கைகோர்த்த நிலையில்
உறவாடும் பூக்கள் சில.......!

இது
மட்டுமா............?

பூக்களும் நடத்துகின்றன
பஞ்சாயத்து மெளனமொழிகளால்..........!

வானவில்லின் வண்ணத்தோடு
வகைவகையான பழங்களுமுண்டு
பூக்களுடன்
ஓரக்கண்ணால் பேசியபடி........!

பேச்சின் வெட்கத்தில்
தலைகுனிந்தும் சிலபூக்கள்..........!

இந்த பெரியவர்களுக்கு இணையாக
கறை இருந்தாலும் கறைபடியாத
வெள்ளை வேட்டியில் சிலர்.........!

தள்ளாடும் தலைகளுக்கு நடுவே
பாதி தளர்ந்த தலை ஒன்று
எட்டி பார்த்தது கோட்டுசூட்டோடு...!

கற்பூரமாய் காலம்
கரைந்து கொண்டிருக்க
கடிவாளமில்ல குதிரைபோல்
காற்றென பறந்து வந்தாள்
தேவதை ஒருத்தி..........!

சூரியனே
அவள்தான் என நினைப்பு......!
ஆனாலும் மெதுவாய்
எட்டிபார்க்கும் இருட்டு..........!

நகலென வந்தவள்
நாட்டியமாடிக்கொண்டிருக்க
அசலாய் இருந்தவள்
அடியெடுத்து வைத்தாள்
கையில் தேநீர் கோப்பைகளோடு.........!

எத்தனைமுறை செய்திருப்பாள்......
இன்றாவது கடைசியாகுமா.............?

நடை பழகும் மழலையாய்
நளினமென நடந்து வந்தாள்....!

கூட்டை விட்டு எட்டிப்பார்க்கும்
நத்தையாய் அவளையும்
விட்டுச் சென்றது கருவிழிப்பார்வை.....!

அவளின் தேவதை
விண்ணுக்கும் மண்ணுக்குமாய்
பாலம் கட்டிக்கொண்டிருந்தாள்....!

காலம்
நிமிடங்களை விழுங்கிக்கொண்டிருக்க
உற்சாகமாய் ஆரம்பித்தாள்
எவ்வளவு போடுவீர்கள் என்று..........!

பாலம் கட்டிக்கொண்டிருந்தவள்
தரை இறங்கிய விமானம்போல்
அமைதியாய் நின்றாள்.....!

கடந்து சென்ற பார்வை திரும்ப
வந்து பதில்திசை தேடிஓடியது....!

பதிலை கேட்டுவிட்டு
அவளின் இறகுகளுக்கு
குறிபார்த்து குறிப்பெடுத்தாள்
ஒருத்தி.........!

பாதி வயதை கடந்தவளுக்கு
பாதை ஏது என்றாள்.......?
ஆஹா எவ்வளவு அழகானகுறி......!

குறிப்பெடுத்தது என்னவோ
ஒரு இறகுக்குதான்
வீழ்ந்தது இரண்டாயின............!

குருதி அங்கே
குமுறிக் கொண்டிருக்க
குடிசையாயில்லை
என்று கூறி
கூட்டம் கலைந்தது......!

பூக்களெல்லாம் தீக்குளிக்க
சிறகிழந்த தேவதையும்
குமுறுகிறாள் குருதியோடு.....!

நகலோ குமுறுகிறாள்
ஆனால் அசலோ
அசைவற்று கிடக்கிறாள்....!

நித்தம் நித்தம்
சிறகொடிக்கப்படும்
தேவதைகள்தான் எத்தனை
என்றாவது ஒட்ட
வைத்திருப்போமா...?
சிறகினை.....
சிந்திப்போம்............

2008-12-05T18:41:00.004+05:30

காலம் : தேசிய தொழில்நுட்பக் கழகத்தில் விளையாடிய காலம்

நிகழ்வு : NITTFEST - 2006 பெற்று தந்தது : இரண்டாவது பரிசு

தலைப்பு : அருகிலிருக்கும் படத்திற்கான கவிதை

வெற்றியின் மோகம் கொண்டு
வீரம் இழப்பவனே......!

எடுத்துவைப்பது
வெற்றிப்படிகளல்ல......
வீழ்ச்சிப்படிகளே..........!

மனசாட்சியே மந்திரமாய்
உரைப்பது உணரவில்லையா.......?
இல்லை....

குருதி கொண்டு
கதறி அழும்
தாய்மையின் குரல்
எட்டவில்லையா......?
உன் செவிகளில்.....!

சற்றே நிமிர்ந்து பார்..
சாதனையை உன்னுள் விதைத்தாலும்
சிரம் தளர்ந்து சரிகிறாளே ஒருத்தி..

சரிவது
அவள் மட்டுமல்ல..

வெற்றியே ஆனாலும்
தோல்வியே ஆனாலும்
சரிபவளும் சரிபவர்களுமாய் பலர்.....

வெற்றியும் தோல்விதான் ஒருவனுக்கு
ஏனென்று தெரியுமா.........?
உதிர்வது
உதிரங்கள் மட்டுமல்ல.........
உண்மைகளும் கொஞ்சம்.....!

2008-12-04T19:12:00.010+05:30

காலம் : தேசிய தொழில்நுட்பக் கழகத்தில் விளையாடிய காலம்

நிகழ்வு : NITTFEST - 2006 பெற்று தந்தது : இரண்டாவது பரிசு

தலைப்பு : கடவுளைக் கைதுசெய்

" பழங்கள் மட்டுமா உதிர்க்கப்படுகின்றன
பிஞ்சுகளுமல்லவா உதிர்க்கப்படுகின்றன......!

பற்றில்லை என்று கூறி
பற்றை மட்டுமே விதைக்கிறாய்.....!

வளர்வது மரங்களல்ல...........
மனிதர்கள்..

சாயமேற்றப்படுவது போல்
நஞ்சு கலக்கப்படுகிறது நாணல்களில்....

வளைந்து மட்டுமா கொடுக்கிறது.
வளைத்தும் கொடுக்கிறது நஞ்சினை....

வாய்ப்புகளை விட வழுக்கல்களே
எங்கும் நிறைந்துள்ளன......

வழுக்கி எழுந்தாலும் கிடைப்பது
உண்மைகளல்ல வடுக்களே.....

இறைவா இப்போதாவது புரிகிறதா..
இல்லை இல்லை தெரிகிறதா..
உன் பகல் வே ஷம்.....

வே ஷம்கலைக்கும் தருணங்களை
தருவிக்கவே கைது செய்கிறேன்..

ஏன்
தெரியுமா.............?

குற்றம் செய்தவனைவிட
தூண்டுபவனே முதல் குற்றவாளி
அதனால் நீதான் முதல் குற்றவாளி....."

2008-12-02T19:10:00.010+05:30

காலம் : தேசிய தொழில்நுட்பக் கழகத்தில் விளையாடிய காலம்

நிகழ்வு : NITTFEST - 2006 பெற்று தந்தது : இரண்டாவது பரிசு

தலைப்பு :்

இவர்கள் தனிமையில் தங்களைத் தொலைத்தவர்கள்............ படுக்கை தலையணை போல இவர்களும் ஒரு பொருள்தான் பலர் பார்வயில். விளக்கேற்ற யாருமில்லை விளக்கணைக்கவே ஆர்வம் பலருக்கு ............ ஆசை அறவே இல்லை மோகம் மட்டுமே முப்பது நாட்களும். ஆடைகள் இவர்களுக்கு வெறும் அலங்காரப் பொருட்கள்தான்............. வாழ்க்கை கிடைக்காத இவர்களுக்கு உங்கள் வார்த்தைகளாவது கிடைக்கட்டும்.......................

"நாங்களும் கண்ணகிகள்தான் ஆனால்
ராவணர்களை மட்டுமே தெரிந்தவர்கள்

நாங்களும் தாரம் ஆகிறோம்
தாழ்ப்ப்பாள் போடப்படும் போது....
ஆச்சரியம் தாழ்ப்ப்பாள் திறப்பதே இல்லை..........!

விட்டில் பூச்சிகளைப் போல்
எப்போதாவது விடியும் பொழுதுகள்

சூரியனைத் தேடுகிறோம்
கிடைப்பதெல்லாம்
அமாவசைகள் மட்டுமே.......

புத்தனுக்கு ஞானம் போதிமரம்
எங்களுக்கு ஞானம் இருள்

போதிமர ஞானம் பொய்யாகிப்போனது
இருள் ஞானம் இறவாமல் உள்ளது

ஆசையும் உண்டு எங்களுக்கல்ல.........?
எங்களை மீட்டுபவர்களுக்கு ....
அதுமட்டுமா.................?

எங்களை மீட்கவும் ஆசையுண்டு
எங்கள் தெய்வங்களுக்கு
தெய்வங்கள் கடைசியில்தானே ஜெயிக்கும்
இதனால்தான் எங்கள் தெய்வங்கள்
எப்போதும் கடைசியை நோக்கி.......

தெய்வங்களுக்கு உண்டு அர்ச்சனைகள்
ஆனால் எங்களுக்கு.....................?
அர்ச்சனைகளே நாங்கள் தான்....

அர்ச்சனைகள் முடிந்தால்
அரை வயிறாவது நிரையும்
இதோ அடுத்த அரை வயிறாவது
காலியாகிவிட்டது....

கவலையும் இல்லை
அர்ச்சனையும் தயாராகிவிட்டது....

அவன் படைத்த வயிறு
நிரம்பப் போவதும் இல்லை
அர்ச்சனைகள் அறியாதவர்களும் இல்லை.....!

எதற்கும் எல்லை உண்டு
ஆனால் எங்கள் இளமைக்கு.............
முடிவுகள் உங்கள் கைகளில்.................!"

தேடல்

2008-11-26T18:56:00.004+05:30

பிளந்துபோன இதயத்தில்
வார்த்தைகள்..........
இங்கொன்றும் அங்கொன்றுமாய்........!

பிளவிற்கு காரணம்
என்னவோ.............?

நட்பென்றால்
கவலையில்லை..........!

காதலென்றால்..............
எங்கே தேட..........?

உங்களிடமிருந்தால்...
கொடுத்து விடுங்களேன்...........!

கடவுள்

2008-11-26T18:50:00.004+05:30

நிழல்களை நிஜங்களாக்கவும்
நிஜங்களை நிழல்களாக்கவும் அறிந்தவனே...........!

உந்தன் விளையாட்டுப் பொருளாய் எம்மை
படைத்து விளையாட விடுபவனே.........!

எம்மை அறிந்தால் உம்மை
அறிய முடியும் என்பதை....
உணர்வில்லாமல் உணர்த்துபவனே.................!

உன்னை அறிந்ததை உணர்த்தாமல்
எம்மையும் உணர்விழக்கச் செய்பவனே..........!

உன்னை வணங்குகிறேன்
ஆனால்............?

உன்னை உணர்வதற்காக அல்ல.............!
என்னை உணர்வதற்காகவே.............!

காணிக்கை

2008-11-25T19:54:00.001+05:30

உன் நினைவுகளால் உறங்கிப்போன
எனக்கு கனவுகள்
மட்டும் காணிக்கையா...?

புதுப்பிக்கப்பட்ட உறவுகள்

2008-11-12T18:45:00.004+05:30

விடலைப் பருவத்து நாட்களில்
பாதை புரியாமலும் தெரியாமலும்
பயணிக்கும் பள்ளிப் பருவத்தில்
இணைந்திருந்த மலர்கள் நாங்கள்..........................!

பாதையை புரிய வைக்கும்
நோக்கத்தில் விதித்திருந்த
கட்டுப்பாட்டில் பாலின ரீதியாக
பிரிக்கப்பட்டவர்களானோம்........................!

இதயங்களில்
ஏக்கங்களோடு..........!

முகவரி இல்லா பறவைகளைப்போல்
நாங்களும் சில வருடங்களை
வீணாக்கினோம்.........!

இரைதேடும் பறவையாய்
நானிங்கு அலைந்து கொண்டிருந்தேன்
முகவரிகளுக்காக...............!

வருடங்களை விழுங்கி
வசந்தத்தை கொண்டுவந்தது
சில முகவரிகள்.............!

முகவரிகளின் பரிமாற்றத்தில்
சோலைவனமாயின என்மனம்....

பரிமாறிக் கொண்டவர்களின்
மனமும் அப்படித்தானே.................?

துவண்டு போகும் தருணங்களில்
தோள் தந்து துணைநிற்கும்
முகவரிகளை மறைத்ததற்காக
வஞ்சம் இறைவன் மீது
கொண்டாலும் காலம்
கடந்து திருப்பி தந்ததற்காக
வணங்குகிறேன் மனதார அவனை...............!

முகவரிகளின் பறிமாற்றாங்கள்
பயணிக்குமா..........................?

நிமிடங்களில்லா நாட்கள் என
காரணம் காட்டி..
பரிமாற்றுப்பயணம் முடிந்துபோகுமா...................?

விடகளைப்பெறுவோம்
காலதேவனின்
நாட்குறிப்பேட்டிலிருந்து......................!

அதிகாலைப்பொழுதுகள்

2008-10-16T19:02:00.005+05:30

உன் நினைவுகளோடு
திறக்கும் விழிகளுக்கு

ஜோதிதரிசனமாய்
உன்முகம் காட்டி

நிமிடங்களை
நிஜங்களாக்கி

நல்வழிப்படுத்துவாய் எனும்
நம்பிக்கையில்

தினமும்
உதயமாகிறது

என்
அதிகாலைப்பொழுதுகள்.............!

கல்விக்கூடம்

2008-10-12T17:51:00.002+05:30

என்னால் அறிய முடியாத ஒருவனை
என்னுள் இருந்து எனக்கு காட்டும்
வழிகாட்டியாய் கல்விக்கூடம்

கடவுளும் மனிதனும்

2008-10-12T17:47:00.002+05:30

உன்காதலுக்கு சுயம்வரம்
என் காதலுக்கு ஊர்வலம்

உன் சந்திப்பின் தொடக்கம்
மணவரையிலிருந்து............!

என் சந்திப்பின் தொடக்கம்
கல்லறையிலிருந்து............!

ஏனெனில் நீ இறைவன்
நான் மனிதன்.........!

தீண்டாமை

2008-10-12T17:40:00.003+05:30

நித்தமும்
உன் நினைவுகளோடு........!

ஆனால் நிஜத்தில்
எனைவிட்டு விலகியே.............!

நான் என்ன
தீண்டத்தகாதவனா......?

நீ விலகிச்செல்வதற்கு........!

உன் தீண்டல் இல்லாவிடினும்
வார்த்தைகளாவது வந்து
சேராதா...... எனைத்தேடி

விடை காண முயலும் தோல்விகள்

2008-10-10T19:01:00.003+05:30

ஆசைகளின் நடுவே
சிக்கிக் கொண்ட ஆறறிவு
மிருகம் நான்...................!

ஆசையை அடிமையாக்க
அடுத்த நிலையில்
தடம் பதிக்க
பயணமானேன் பாதையில்............!

பயணமான பாதை
சரியானதாய் இருந்தாலும்
சேருமிடம் அறியாமல்.................!
வெறுமையாய் திரும்பினேன்
பயணத்தின் முடிவை எட்டாமல்............!

மனமெங்கும் சோக அலைகளோடு
சேருமிடம் தெளிவில்லாமல்
பயணித்ததன் தண்டனையா
நான் பெற்ற வேதனைகள்......................?

வார்த்தைகளின் சோகங்கள்

2008-03-16T11:49:00.004+05:30

கூடு தேடும் பறவையை போல்
உன் நினைவுகளின் தடம்தேடி
நித்தம் நித்தம்
தேடி அலைகிறேன்.............!

வாங்கிய கடனுக்கு வட்டியை
செலுத்தும் கடனாளியைப் போல்
வார்த்தைகள் மட்டும்
உதிர்த்து போகிறாய் உயிரற்றதாய்................!

நினைவை கொண்டு நிஜத்தை
தேடி அலையும் எனக்கு
நிஜம் மட்டுமல்ல
நினைவுகள்கூட சொந்தமில்லை
என்று கூறிச்செல்ல
உன்னால் மட்டும் எப்படி முடிகிறது.............?

உதிர்ந்த வார்த்தைகள் காற்றோடு
கைகோர்த்து காணாமல் போனதா.................?

இல்லை காலத்தை கடத்துவதற்காக
கூறப்பட்டதாய் எண்ணி
உன்னுடனே வந்து சேர்ந்ததா......................?

உன் வார்த்தைகள்

2007-12-10T19:27:00.002+05:30

சிறகு உதிர்ந்த ஈசலைப்போல்
வாழ்ந்து கொண்டிருக்கிறேன் உன்
மௌன மொழிகளால்....

மீண்டும் சிறகுகள் முளைக்கும்
உன் மௌனம் எனக்கு
சம்மதமாக அமையுமென்றால்..........!

நான் பார்த்த ஒரு குழந்தை

2007-12-07T18:25:00.002+05:30

எங்கே கற்றுக்கொண்டாய்
எங்களை மகிழ்விக்கும் மந்திரத்தை........

நீ பார்த்த ஒரு கணம்....
எனக்கு ஒரு யுகமாய் நினைவுகள்....

உன் மொழியை புரிந்து கொள்ள
நான் யாரிடம் பாடம் கற்க....?
உன்னிடமேவா......?

உன் விரல் தீண்டிய அந்த நொடி
நான் என்ன மோட்சம் பெற்றேனா......?
என்னுள் அப்படி ஒரு ஆனந்தம்......!

உன்னிடமிருக்கும் சந்தோசத்தை
விட்டுவிட்டு எங்கேயோ
தேடிக்கொண்டிருக்கிறோம்.............

அர்ப்பணிப்பு

2007-12-05T19:10:00.002+05:30

என் நலம் வேண்டி கடவுளின் காலடியில்
நித்தம் தொழுபவள் நீ....!

உன் நலம் வேண்டி என்றாவது
ஒரு நாள் தொழுதிருப்பேன்...!

உனை பார்த்து கற்றுக்கொண்ட என்னால்
முடியவில்லை நித்தமும் தொழ
உனக்காக.....!

யாரையும் பார்த்து கற்றுக்கொள்ளாத
உன்னால் மட்டும் எப்படி முடிகிறது...?
நித்தமும்
எனக்காக தொழ...

இதனால்தானோ உன்னை
நடமாடும் தெய்வம் என்கிறார்கள்..

காரணங்களை நீ மட்டுமே அறிவாய்.....!

கண்ணீர்

2007-12-03T19:55:00.001+05:30

உன்னிடமிருந்து விடைபெறும்
ஒவ்வொரு தருணங்களிலும் இருவரின்
கடைக்கண்களில் எட்டிப்பார்க்கிறாள் ஒருத்தி....!

கவிதை

2007-12-03T19:46:00.001+05:30

வாழ்க்கையின் உயரங்களைத் தேடி
பூக்களின் சாலையில்

தவறி விழுந்து பெற்ற
வடுக்களின் வலிகள்

சொட்டிய குருதியின் சற்றே
வெளுத்து சிவந்த காயங்களோடு...

கதைகள் இல்லை...இல்லை...
கதைகளல்ல காவியங்கள்
கவிதைகளாய்........!

காலம்

2007-12-02T14:23:00.001+05:30

வாசனையை நுகர
முயன்ற பொழுதுகளெல்லாம்
மொட்டுகளாய் மௌனம் சாதித்தாய்....!

வாசனையோடு பூத்துக் குலுங்கியபூது..
நுகர உரிமம் இல்லாதவனாய் நான்...!

சில தருணங்கள்

2007-12-01T17:57:00.001+05:30

நித்தம் நித்தம்
வந்துபோகிறாய்
நினைவுகளில்.........!

காரணங்கள் மட்டும்
புரியவில்லை......!

உன் வார்த்தைகளை புரிந்து
கொள்ள முடியாமல்
மதில்மேல் பூனையாய் நான்....!

ஆனாலும் என்னுள் ஒருபயம்
விட்டுவிட்டு எட்டிப்பார்க்கிறது
கடமைகளை
மறந்துவிடுவேனோ என்று...?

இந்தப் போராட்டங்கள்
உன்னுள்ளும்
நிகழ்கிறதா.....?

ஆம் என்றால் உன்
வார்த்தைகள் என்
வாழ்வின் ஒளிக்கீற்றுகள்...!

இல்லையெனில் அவை
இடரவைக்கும்
இருளின் பாதைகள்...!

என்னவளே உனக்கு
ஒரு வேண்டுகோள்....!

என்னைக்குழப்பும்
உன் சந்தோக்ஷத்தை
மட்டும் விட்டுவிடு
எனக்காக......!

ஏனெனில் நானிங்கு கலவரபூமியாய்
ஆனால் நீஅங்கு...........?

கருவறை

2007-12-01T16:21:00.000+05:30

உன் நினைவுகள் என்னுள்
தோன்றும் பொழுதெல்லாம்..
எனக்கே தெரியாமல் என்
கவலைகளும் சோகமும் மறைந்து
சந்தோசம் ஒளிவீசத் தொடங்குகிறது...!

ஏன்..?
உன் நினைவுகளுக்கு
மட்டும் இப்படி ஒருசக்தி..!

காரணங்கள்
மட்டும் புரியவில்லை......!

இருந்தாலும்
ஒன்று மட்டும் புரிகிறது....!

உந்தன் கருவறையில் நானிருந்ததால்
உன் நினைவுகள் என்னை
சந்தோக்ஷப்படுத்துகிறது என்பது...!

கஜினி திரைப்படத்தை பார்த்தபிறகு

2007-12-01T15:28:00.000+05:30

பாசத்தில்
என் தாயாக.....!

அழகில்
நிலவும் பொறமைப்படும்படியாக...!

அவளது உலகம்
எனக்காக என்று எண்ணுபவளாகவும்.....!

எனது உலகமும்
அவளுக்காக என்று எண்ணவைப்பவளுமாக..!

எனக்காக எதையும் கொடுப்பவளாய்...
அவளுக்காகவே நான் பிறந்துள்ளேன்
என்று எண்ண்வைப்பவள்....
அவள் ஒருத்திக்காக காத்துகிடக்கிறேன்....!

அப்படி ஒருவளை எனக்காக
இறைவன் கொடுப்பான்
என்ற நம்பிக்கையில்......!

மழைக்கால நினைவுகள்

2007-12-01T15:11:00.001+05:30

இறைவனின் குழந்தைகளாய்
பூமியை அடைபவளே...!

சில்லென்று வீசும் காற்றால்
அழைக்கழிக்கப்பட்டு ஜன்னலை
தீண்டும்போது நானும் உன்னை
தழுவினேன் உன்மீது
காதல் கொண்டு.....!

உன் இதமான தீண்டலில்
நான் பின்னோக்கி பயணித்தேன்...

அரைகால் டவுசருடன் புயலாய்
வீட்டில் நுழைந்தோம் இருவரும்..
ஏனெனில் என்வீடு உன்னையும்
வரவேற்க தயாராய் இருந்தது
வறுமையால் உடைந்துபோன கூரைகளாக..!

சந்தோசமாக வீட்டுக்குள்
நுழைந்த உன்னை வெறுக்கவே
செய்தாள் என் தாய்...!

பாழாய்ப்போன வீட்டிற்கு
எப்பொதுதான் விடிவோ...?
முணுமுணுப்போடு பாத்திரங்களை
வைக்கிறாள் நீநுழைந்த இடத்தில்..
அதில் கொஞ்சம்பங்கு எனக்கும்...!

உனது ஒய்யார ஆட்டம் நின்றபின்
உன்னை எடுத்துப் பார்த்து
போற்றுகிறாள் உன்
தூய்மையின் குணம் கண்டு..!

சந்தோசமாய் வந்தவள் சற்று
சிரமும் கொடுத்தாய்...ஆனால்
போகும்போது சந்தோசம்
மட்டுமல்ல உதவியும் செய்தாய்...!

சந்தோசம் எனக்கு உன்னை
கொண்டுவரும் வேலை இல்லை..
சந்தோசம் என் தாய்க்கு
அமிர்தமாகிய உன் சுவையால்..!

இந்த இன்பத்திற்காகவே வேண்டுகிறேன்
இறைவனை உந்தன் வருகயை
சற்று அதிகப்படுத்த.....!

விந்தையானவள் ( தாய் )

2007-12-01T12:41:00.001+05:30

எனக்காகவே படைக்கப்பட்ட
இறைவனின் படைப்பு அவள்...!

அன்பை மட்டும் அள்ளித்தரும்
அட்சய பாத்திரம் அவள்...!

தரும் அன்பை திரும்ப
கேட்கவோ வாங்கவோ ஏன்

எதிர்பார்(க்க)ப்பதற்கு கூட தெரியாத
களங்கமற்ற தேவதை அவள்....!

நினைவுகள் மட்டுமல்ல..
சொட்டும் வியர்வை கூட என்

பெயர் சொல்லுமளவிற்கு நினைவுகள்
உந்தன் நெஞ்சில் ஆனால்.....

நானோ உன்னை மறந்து
காதல் என்ற பெயரில்

எவளோ ஒருத்தியின் நினைவுகளோடு..!
இறைவா எனை செதுக்கும்

தேவதையின் நினைவுகளை என்
குருதியில் கலப்பயாக....!

பதிலில்லா கேள்விகள்

2007-11-30T19:36:00.001+05:30

வாழ்க்கை எனும்
வட்டத்திற்குள்சிக்கி
ஓடுபவர்கள்தான் எத்தனைபேர்............?

நோக்கம் என்னவோ பணம்
என்ற ஒன்றை நோக்கியே...!

அனைவரும் ஓட்டத்தில்
வெற்றி பெற்றாலும்
வேறுபாடுகள் தோன்ற
காரணமானவர்கள் யார்.......?

உண்மை அழகு

2007-11-30T19:20:00.001+05:30

வியர்வைத் துளியும் அழகாக்த்தான்
உள்ளது உழைப்புக்காக ஓடும்
உன் முகத்தில் பார்க்கும்போது...!

அவளின் வார்த்தைகள்

2007-11-30T19:11:00.001+05:30

உன் இதழ் சிந்தும்
வார்த்தைகள் ஒவ்வொன்றும்
என் உயிரை குறிபார்க்கும்
அம்புகள் என்பதை அறிவாயா....?

மென்பொருள் வல்லுநனின் நாட்கள்

2007-11-30T18:18:00.001+05:30

மின்விசிறியின் சத்தங்களை கேட்டு
எழும் அதிகாலைப் பொழுதுகள்
தாயின் சத்தத்தை தேடும்காதுகள்.....!

தந்தையின் கண்டிப்பு இல்லாமல்
நகரும் நிமிடங்கள்......

நிற்க கூட நேரமில்லாமல்
ஓடும் மனிதர்களுக்கு நடுவே
நானும் சிக்கி ஓடி
நாளைத் தொலைத்து
திரும்புகிறேன் வெறுமையோடு...!

அப்போதாவது கேட்காதா....?
ஒருகுரல்.............
வெறுமையின் வெற்றிடத்தை
நிரப்பும் வார்த்தைகளோடு......!

முத்தம்

2007-06-02T23:23:00.001+05:30

" பூமியை தொட்டபின்
முழுமையான அன்புடன்
வாரித்தழுவி நீ
ஆசையாய் கொடுத்த
முதல் முத்தத்திற்காகவே

மீண்டும் ஒருமுறை உன்னுள்
கருவாயிறுக்க ஏங்குகிறேன்......!

உன்னுடன்

2007-06-02T23:09:00.001+05:30

உன்னுடன் பேச எண்ணி
நெருங்கும் பொழுதுகளெல்லாம்
கறைகின்றன மௌனமாகவே....!

அவளின் நினைவுகளால்

2007-06-02T23:01:00.002+05:30

உன் நினைவுகள்
என் நெஞ்சில்
தோன்றும் போதெல்லாம்
மனமெங்கும்
பூக்களின் வாசனைதான்॥!

அந்த வாசனையிலே
நான் என்னை
மறந்து விடுவேனா
என்றே பயப்படுகிறேன் ......!

அன்பு

2007-06-02T22:58:00.000+05:30

அன்பின் பிறப்பிடம் அல்ல
அன்பின் உறைவிடமே அம்மா
அவளுக்கு கிடைக்காத ஒன்று
அந்த அன்பு........!

இறைவன்

2007-06-02T22:54:00.001+05:30

அவனின்றி அணுவும்
அசையாது.. ஆனால்
ஏனோ மனம் அவனை
மட்டும் நினைக்க மறுக்கிறது...!

விதவை

2007-06-02T22:52:00.000+05:30

அனைத்தையும்
இழந்தவள்...
உணர்ச்சிகளை தவிர..!

அவளின் முடிவை எண்ணி

2007-06-02T22:46:00.000+05:30

உன் விழிகாணும் இரவுகளில்
சூரியனாய் ஒளிர்வேனா...? இல்லை
சந்திரனாய் மறைவேனா...?
முடிவு உந்தன் வார்த்தைகளில்....!

சோம்பலும் சுறுசுறுப்பும்

2007-06-02T22:44:00.000+05:30

விடியாத இரவில்
விடியும் பொழுதை
தேடினேன் கிடைத்தது..
விடிந்த பொழுதில்
விடியாத இரவை
தேடினேன் கிடைக்கவில்லை .....!

மனதின் சோம்பல்

2007-06-02T22:43:00.001+05:30

சொப்பனத்தில் சுகம்
கண்டிடும் மனமே...

காலம் என்ற சோலையில்
புகுந்து தோல்விகள்
எனும் முட்களைஏற்றி

அனுபவம் என்ற
வடுக்களை பெற்று
வெற்றி எனும் சுகத்தை
காணமறுப்பதேனோ..?

அவளின் மௌனம்

2007-06-02T22:39:00.002+05:30

உன்னைக்கடந்து செல்லும்
ஒவ்வொரு தருணங்களிலும்

எந்தன் நெஞ்சிலோ....
சலனம்...

உந்தன் நெஞ்சிலோ
மௌனம்...

சலனமே விதியென்று
சாம்பலாகிப்போவேனா..? இல்லை

மௌனம் கலைந்து
மணம்பெற்று வாழ்வேனா....?

முடிவுகளை தீர்மானிப்பவைகளை
சந்தர்ப்பங்களும்
சூழ்நிலைகளும் மட்டுமல்ல
உனது வார்த்தைகளும்...! "

புத்தாண்டை வரவேற்று

2007-06-02T22:33:00.001+05:30

பூத்துக்குலுங்கும் பூமியில்
புதியதாய் ஞனனம் பெற்றுள்ள
இளம்குழந்தைக்கு கள்ளிப்பாலை
விடுத்து உயிர்ப்பாலை
உண்மையாய் கொடு !

பசியில் வாடிவதங்கும்
ஏழையின் குழந்தைகளுக்கு
போதுமென உணவை
அன்பாக கொடு !

பள்ளி பருவத்தில்
கட்டணமில்லா கல்வியை
அனைவருக்கும் விவேகத்துடன் கொடு !

வாய்ப்புகளுக்காக வரம்
வேண்டிகிடக்கும் இந்திய இளம்
தூண்களுக்கு வாய்ப்புகளை
வள்ளலாக கொடு !

காமம் மட்டுமே
வாழ்க்கையின் லட்சியமாய்
கொண்டவர்களுக்கு காதலை
காணிக்கையாய் கொடு !

பருவ இளஞ்சிட்டுகளுக்கு
மனம் கவர்ந்த
மணவாளனை
மனதார கொடு !

முதிர்கண்ணிக்கு முடிந்துபோகா
வாழ்க்கையை
முந்தாணையாய் கொடு !

வட்டியை
வரதட்சணையாய் கேட்கும்
கல்நெஞ்சங்களுக்கு
திருப்பத்தை
தீர்ப்பாய் கொடு !

அன்பை மட்டும்
அரணாக கொண்டுள்ள ஏழையின்
நல் இல்வாழ்வுக்கு
வழியை உன்
விழிகளாய் கொடு !

பணமே வாழ்க்கையாய்
கொண்டுள்ள பணக்கார
நெஞ்சங்களுக்கு உறக்கத்தை௯ட
ஊதியமாய் கொடு !

கவலைகளை கனவுகளாக
கொண்ட உள்ளங்களுக்கு
இன்பத்தை
விலாசமாய் கொடு !

அனுபவத்தால் கனிந்த உள்ளங்களுக்கு
கவனிப்பை
கனிவோடு கொடு !

அணுகுண்டையும் ஏவுகணையையும்
விடுத்து செழுமையை
அன்பளிப்பாய் கொடு !

மொத்தத்தில் சமத்துவத்தையும்
சமாதானத்தையும் அன்புகலந்து
சாந்தமாய் கொடு...! கொடு......!

ஒவ்வொரு துளியிலும் நான் ( பணம் )

2007-06-02T22:28:00.001+05:30

கருவறைக் கன்னிகளின் சுவாசம்
வாசமாய் மறைய
வைத்தவனும் நான்......!

சுயநலங்களின் சுருங்கிய
உள்ளத்திற்காக பிஞ்சுகளையும்
பொதி சுமக்க வைத்தவனும் நான்.....!

பருவத்து பெண்டிரை
பதுமைகளாக்கும் சூதாட்டத்தில்
பகைடையாய் நான்....!

காலத்தோடு இளமை கறைந்தும்
மாங்கல்யம் கிடைக்கச்
செய்யாமலிருக்க செய்தவனும் நான்....!

உண்மைகள்
ஊமையாய் போக
உயிர்மூலமும் நான்....!

இரவுகள் இருந்தும்
விடியலை விரட்டி
ஓட்டும் விதியும் நான்.....!

உரிமைகள் இருந்தும்
உறவுகள் மறைய இல்லை
உறவுகள் மறக்க அங்கு
இல்லாமல் போனவனும் நான்.....!

உயிர்கள் மறைந்தபின்
உறவை புதுப்பிக்க
அங்கே வாதாடுவதும் எனக்காக.....!

துளிகள் மட்டும் வெவ்வேறு
காலங்களில் ஆனால் ஒவ்வொரு
துளியிலும் மாறாமல் இருக்கும்
நான் யாரென்று உங்களுக்கும்
தெரிந்திருக்கும் உங்களுள் ஒருவன் .....!

பருவ ஈர்ப்பு

2007-06-02T22:26:00.002+05:30

உன் வருகையை அறிந்ததும்
காற்றாய் பறக்குமென் இதயம்

நான் போய்வருகிறேன் என்ற
உன்வார்த்தைகளை
கேட்டதும்
கண்ணீர் சொட்டுகிறது..........!

இதுதான் காதலா...? இல்லை
பருவத்தில் மட்டுமுள்ள ஈர்ப்பா...?
விடை௯றுவாயா விழியே....?

ஓப்பனை

2007-06-02T22:23:00.000+05:30

பூத்துக் குலுங்கும் பூக்கள் எனும் ஒப்பனை
பூமிதேவதையின் அழகை புத்தகமாய் விரிக்கிறது !

அலைகள் எனும் ஒப்பனை கடல் தேவதையின்
அழகை காதலாய் வெளிப்படுத்துகிறது !

தென்றல் எனும் ஒப்பனை அதனை பெற்றெடுக்கும்
மரங்களுக்கு அழகை தெம்மாங்காய் தருகிறது !

நிலா எனும் ஒப்பனை பரந்த வானத்திற்கும்
பூமிக்கும் அழகு சேர்க்கிறது !

தீபத்தின் சுடர் எனும் ஒப்பனை இருளை
அலங்கரித்து ஒளியாய் அழகுசேர்க்கிறது !

இயற்கையின் ஒப்பனைகள் அழகை
மேலும் செம்மைப்படுத்துகிறது !

ஆனால் மனிதனால் உருவாக்கப்பட்ட பணம் எனும்
ஒப்பனை ஒற்றுமை எனும் தேவதையின்
அழகை குலைத்து வேற்றுமைகளால்
துன்பப்பட வைக்கிறது..! இது மட்டுமா.....?

பணமென்ற ஒப்பனையின் மறுவடிவமான
லஞ்சம் மனிதன் பிறப்பு முதல் இறப்புவரை
நேர்மை எனும் அழகுதேவதையை
மீட்கமுடியாத அடகுபொருளாய் வைத்து
அந்த தேவதையின் அழகை சிதைப்பதோடு

மனித வாழ்க்கையையும் சீர்குலைக்கிறது ..
இயற்கையின் ஒப்பனைகள் போதுமா ?
இல்லை செயற்கை எனும் ஒப்பனைகள்
அவசியமா...? சிந்திப்போம் ... "

ஊனம்

2007-06-02T22:22:00.001+05:30

இறைவனின் படைப்பில் விளையாட்டு
பொம்மை மனிதனுக்கு கேளிச்சித்திரங்கள்
மகானின் மனதில் பரிதாபக்காறன்..!

தொலைந்தது

2007-06-02T22:20:00.001+05:30

மனதில் மவுனமாய்
சிறகடிப்பவளே....!

சஞ்சலத்தை மட்டும்
உண்டாக்குகிறாயே....?

உன் இதயமாளிகையில்
இடம்தேடி தொலைந்து போனது......?

என் இளமை
மட்டுமல்ல வயதும் தான்....!

பிரிவு

2007-06-02T22:19:00.000+05:30

என்னை விட்டு விலகியிருந்தாலும்
உன் நினைவுகள் என்னைவிட்டு
விலகாமல் இருப்பதேனோ............?

புன்னகை

2007-06-02T22:18:00.002+05:30

வானத்தின் புன்னகை
மழை.....

காற்றின் புன்னகை
தென்றல்.........

மலரின் புன்னகை
மனம்........

தோல்வியின் புன்னகை
வெற்றி மட்டுமல்ல.........

அனுபவ பாடங்களும்..............!

சிறகொடிந்த மனதில் மற்றொருவளின் நினைவுகள்

2007-06-02T22:14:00.002+05:30

மலர்ந்த அவளின்
நினைவுகளால் மறுத்துபோன
என் மனதுக்குள்

சலனமின்றி
சத்த மிடுகிறது
உன் கொலுசின் ஓசை

சில்லை றையாய்
சிதறுகிறது
உன் சிரிப் பலை

ஏன் இந்த மாற்றம்...........?
குழப்பத்தில் குழம்புகிறேன்....!

காதலியின் திருமணம் எண்ணி

2007-06-02T22:13:00.002+05:30

மையலில் மதி மயங்கி
மனதில் மையம் கொண்டு

மஞ்சத்தில் உறவாட எண்ணி
சிறகின்றியும் பறந்த எனக்கு

தடயமின்றி வந்த கடிதத்தை
ஆவலாய் பிரித்த போதுதான்......?
புரிந்தது.......

அதுஎனக்கு சம்மதம்
தெரிவிக்கும்
சங்கீத வார்த்தை
ஞாலமல்ல

எனக்கு சமாதிகட்டும்
உனது
திருமண ஓலை.....!

காதல் வயப்பட்ட தோழியின் இதயத்தில் வழிந்தவைகளாய்

2007-06-02T22:12:00.001+05:30

தனிமைகள்
போதிமரங்களாகும்

இருளிலும்
இடம் மாறதோன்றும்

நளினங்கள்
நடைபழக எண்ணும்

பாதரசத்துக்கு
உடனடி வேலைவாய்ப்பு

எழிலுக்கு
பதவி உயர்வு

நிமிடமுள் மட்டுமே உள்ள
காலக்கண்ணாடி
அவளின் கைகளில்....!

வீணாய் போன நிமிடங்களை நினைத்து

2007-06-02T22:09:00.001+05:30

கடந்துவந்த களிப்புகள்
ஒளியில்லா இருளின்

பாதையை காட்டும்
முன்னெச்சரிக்கைகளாக

இருந்திருக்க வேண்டு மென்று
இருள்நிறைந்த வழியில்
களிப்பாய் கிடைத்த

மின்னலின் ஒளியில்
நினைத்து அழுகிறேன்...

மலரை பார்த்து பெண் ஒருவள்

2007-06-02T22:07:00.000+05:30

உன்னை சூடினால் நான்
அழகாகிவிடுவேன் ஆனால்
சூட்டுவதற்குதான் ஆளில்லை....!

அம்மா

2007-06-02T22:06:00.001+05:30

அணுவைத் துளைத்து உலகத்தைக்கண்டவளே
உதிரங்கள் உதிர்ந்த போதும் உதிராமல் நீ
ஏனெனில் உனது உலகம் உதிராமலிருக்க...!

விலைமாது

2007-06-02T22:03:00.000+05:30

விளக்கணைக்க மட்டும் தேவைப்படுகிறேன்
விளக்கேற்றவும் தேவைப்படுவேன் என்ற
நம்பிக்கையால் வாழ்ந்துகொண்டிருக்கிறேன்

அம்மா

2007-06-02T21:54:00.000+05:30

உயிர் தரும் உறவு

உலகம் அந்த உயிரோடு மட்டும்
நிலைகளுள் நிலையானதாய்
நிலைமாறா நிஜம் தேட

சுனாமி

2007-05-14T12:20:00.000+05:30

நீரின்றி அமையாது உலகு

ஆனால் அந்த நீரினாலே உலகம்
அமையாது போலெனத் தெரிகிறது

எளிமை

2007-05-14T12:05:00.000+05:30

சபையில் பாடாத குயிலையும்
மேடையில் ஆடாத மயிலையும்
பந்தயத்தில் ஓடாத முயலையும்
பிரபலப்படுத்தியது அவைகளின்
எளிமையும் உழைப்பு மட்டுமே...!

காதல்

2007-05-14T11:50:00.000+05:30

கண்களால் பார்வை வீசி
இதயத்தால் சொற்கள் பேசி
மௌனத்தால் விடை௯றும் தேவதையே...!

உன்சிரிப்பொலியால்
சிதைந்து போகிறேன்...

சிதைந்துபோன என் இதயத்துக்கு
இதம்தருவது அந்த
மூன்றெழுத்து வார்த்தை

நாகரீகமும் வறுமையும்

2007-05-14T11:13:00.001+05:30

ஆடைகள் குறைந்தே
காணப்படும்
வறுமை....

குறைக்கப்பட்டு கொண்டே
வரப்படும்
நாகரீகம்...

நிமிடங்கள்.....? யுகங்களாய்...!
யுகங்களும்.... ? நிமிடங்கள்....!

தொலைக்காட்சி

2007-05-14T11:07:00.001+05:30

எனை வீழ்த்தும் என்று
தெரிந்தும் உன்னை காண்கிறேன்
ஏனெனில் நிலையற்ற
இன்பத்திற்காக....

இதனால்
இடரப்போவது நிலையான
என் எதிர்காலம்

விதை(என்ற வார்த்தை கவிதையின் முடிவில்)

2007-05-14T11:00:00.001+05:30

ஆறறிவோடு அவனையும்
ஒரறி முதல்
ஐந்தறிவோடு அவைகளையும்

ஒருங்கிணைத்து தரும்
ஒருவனை(ஒருத்தியை)
ஞனனம்
செய்ய தேடுகிறேன்
விதை(தி)யை

திரியை ஆண்பாலாக நினைத்து

2007-05-14T10:51:00.000+05:30

ஒளிர்கிறேன்
உன் நினைவுகளால்

அவர்களின்
நினைவுகளில் மூழ்கியபடி

நானன்றியும்
அவர்கள் "அவர்கள்"....!

ஆனால் நீயின்றி
நா.......னா...........?

நீ முடிந்த(முடித்த)பின் நான்
"அவை"களாய்.....!

நான்முடிந்தபின் நீ
"அவர்"களாய்......!

கவிதை

2007-05-14T10:41:00.000+05:30

உன்னை சுமப்பதை விட
பிரசவிப்பதில்தான் வேதனைகள்
அதிகம் உணர்கிறேன்.....!

இரவில் நட்சத்திரத்தை பார்த்தபோது

2007-05-14T09:44:00.001+05:30

எனைப்பார்த்து கண் சிமிட்டும்
தேவதையே...!

இடரில்லா இரவில் மட்டும்
நமதுபயணம்....!

உன்னுள்
முழுமையாக நான்...

என்னுள்
சுவடு தெரியாமல் நீ...

உனைநெருங்க
எண்ணும்போது
இடைவெளி தேவையென்று
விலகி செல்கிறாய்.....!

நெருங்குவதும் விலகுவதுமாய்
……………………………நம் வாழ்க்கை.

அம்மா

2007-05-10T22:08:00.002+05:30

உன் நிழலில்
ஓய்வெடுக்கும்
எனைப் பற்றி மட்டும்
நினைக்க உன்னால்
மட்டும் எப்படி
முடிகிறது......?